Тыдзень нулявога траўматызму: прафілактыка галалёдных траўмаў
02.12.2024
З надыходам зімы павышаецца рызыка
траўмаў на слізкіх тратуарах і
дарогах. Каб пазбегнуць непрыемнасцей,
асабліва ў дні галалёду, важна выконваць
меры засцярогі.
Як абараніць сябе ў галалёд:
- Выбірайце адпаведны абутак. Носіце не слізкі абутак з плоскай ці рабрыстай падэшвай. Выкарыстоўвайце супрацьгалалёдныя накладкі ці наляпіце на падэшву ізаляцыйную стужку.
- Рухайцеся асцярожна. Хадзіце павольна, наступаючы на ўсю падэшву. На слізкіх участках рухайцеся на паўсагнутых нагах, не адрываючы ступню ад зямлі.
- Падзенне – не прысуд. Калі паслізнуліся, паспрабуйце прысесці, каб зменшыць вышыню падзення. Згрупуйцеся, прыціснуўшы локці да бакоў і падбародак да грудзей. Пазбягайце падзення на выцягнутыя рукі.
Першая дапамога пры траўмах:
- Абязрухоміце пашкоджаную канечнасць, зафіксаваўшы яе шалікам ці дошкай.
- Каб зняць ацёк, прыкладзіце халоднае, напрыклад, снег.
- Звярніцеся па медыцынскую дапамогу, каб пазбегнуць ускладненняў.
Галоўныя прынцыпы нулявога траўматызму – гэта ўважлівасць, асцярожнасць і
правільная падрыхтоўка. Выконвайце простыя меры бяспекі, каб зімовыя прагулкі
былі камфортнымі і бяспечнымі!
Будзьце ўважлівыя і клапаціцеся пра сваё здароўе!