28 красавіка ва ўсім свеце адзначаецца Сусветны дзень аховы працы
28.04.2025
Сусветны дзень аховы працы, які адзначаецца
штогод 28 красавіка, — гэта падзея глабальнага маштабу.
У 2025 годзе ён праходзіць пад тэмай «Рэввалюцыйныя падыходы да бяспекі і гігіены працы:
роля штучнага інтэлекту і лічбавізацыі на працоўных месцах».
У Рэспубліцы Беларусь пытанням бяспекі працы надаецца бясспрэчны прыярытэт.
Права работніка на бяспечныя ўмовы працы — адна з найважнейшых гарантый, замацаваных у Канстытуцыі
Рэспублікі Беларусь. Адметнай рысай палітыкі ў сферы аховы працы ў нашай краіне з'яўляецца актыўны ўплыў
дзяржавы на працэсы праз даступныя механізмы і працэдуры. Гэта перш за ўсё распрацоўка і прыняцце
заканадаўства, якое вызначае абавязковыя патрабаванні, гарантыі і кампетэнцыі ўсіх зацікаўленых бакоў.
Сучасныя тэхналогіі і інавацыі ў сферы аховы працы ўключаюць:
- робататэхніку;
- штучны інтэлект (ШІ) і машыннае навучанне;
- экзашкілеты;
- інтэрнэт рэчаў;
- віртуальную і дапоўненую рэальнасць.
Разгледзім прымяненне новых тэхналогій у сферы аховы працы:
- новыя прадпрыемствы ўсё часцей працуюць па канцэпцыі «ніводнага чалавека ў шахце/цэху». Актыўнае ўкараненне робататэхнікі зніжае выдаткі і час на дапаможныя функцыі.
- робаты на базе ШІ істотна ўплываюць на бяспеку, змяншаючы траўматызм і смяротнасць дзякуючы выключэнню кантакту з небяспечным абсталяваннем. Аўтаномныя мабільныя робаты выкарыстоўваюцца ў бальніцах замест санітараў, сядзелак, прыбіральшчыкаў. Яны абсталяваны шматсенсарнымі сістэмамі і алгарытмамі планавання руху.
- ШІ дапамагае дыягнаставаць і выяўляць прафесійныя захворванні;
- разумныя СІЗ (спецвопратка) збіраюць дадзеныя пра работнікаў і ўмовы працы (разумныя боты, шлемы). У Беларусі на «Віцебскаблгазе» ўкаранёна сістэма маніторынгу СІЗ на базе ШІ. Падрыхтоўка і допуск да працы цалкам аўтаматызаваны;
- віртуальная рэальнасць — каштоўны інструмент навучання ў галінах з падвышанай рызыкай.
Штучны інтэлект і лічбавізацыя дапамагаюць ствараць бяспечныя і здаровыя ўмовы працы,
павышаюць дабрабыт і прадукцыйнасць, а таксама зніжаюць выдаткі, звязаныя з інцыдэнтамі і траўмамі.