Рэспубліканскі цэнтр арганізацыі медыцынскага рэагавання

Гісторыя ўстановы пачынаецца 28 мая 1975 года з выхаду загаду Міністэрства
аховы здароўя БССР №115 «Аб стварэнні самастойнай станцыі санітарнай авіяцыі». З
моманту стварэння асноўнай задачай установы было забеспячэнне кваліфікаванай
кансультатыўнай і спецыялізаванай медыцынскай дапамогі ў рэгіёнах з прыцягненнем
вядучых спецыялістаў медыцынскіх інстытутаў і клінічных баз краіны.

На працягу сваёй гісторыі Цэнтр неаднаразова трансфармаваўся, пашыраючы спектр задач
і адаптуючыся да сучасных патрабаванняў:

• У 2001 годзе станцыя санітарнай авіяцыі атрымала новую назву —
дзяржаўная ўстанова «Станцыя санітарнай авіяцыі».
• У 2004 годзе — дзяржаўная ўстанова «Рэспубліканскі цэнтр экстраннай
медыцынскай дапамогі», што адлюстроўвала пашырэнне функцый, ускладзеных на Цэнтр.
• З 2019 года, у адпаведнасці з загадам Міністэрства аховы здароўя №309,
установа атрымала сучасную назву і стала ключавым звяном у сістэме
каардынацыі экстраннай медыцынскай дапамогі ў Рэспубліцы Беларусь.

З 28 ліпеня 2021 года Цэнтр узначальвае Альховік Дзмітрый Васільевіч, пад
кіраўніцтвам якога працягваецца стратэгічнае развіццё ўстановы, удасканаленне
механізмаў міжведамаснага ўзаемадзеяння і ўкараненне сучасных фарматаў рэагавання
на надзвычайныя сітуацыі.

Сёння РЦОМР — гэта высокапрафесійны калектыў, які аператыўна рэагуе на выклікі часу,
валодае ўнікальнымі кампетэнцыямі ў сферы арганізацыі медыцынскай дапамогі
пры надзвычайных сітуацыях, у тым ліку з выкарыстаннем санітарнай авіяцыі
і мабільных медыцынскіх брыгад. РЦОМР — гэта сучасная структура, якая
аб’ядноўвае вопыт, прафесіяналізм і адданасць справе, з якімі яго супрацоўнікі
вось ужо паўвека стаяць на варце здароўя грамадзян.

Віншуем калектыў Цэнтра з юбілеем і дзякуем за ўклад у справу аховы здароўя нацыі!
Жадаем далейшых поспехаў, устойлівага развіцця і моцнага здароўя!