7 лістапада — Дзень Кастрычніцкай рэвалюцыі
06.11.2025Гэта дзяржаўнае свята заснавана Указам Прэзідэнта Рэспублікі Беларусь №157 ад 26 сакавіка 1998 года. Яно сімвалізуе павагу да гісторыі, традыцый і дасягненняў папярэдніх пакаленняў.
Вялікая Кастрычніцкая сацыялістычная рэвалюцыя адбылася 25 кастрычніка (7 лістапада па новым стылі) 1917 года. У ноч з 7 на 8 лістапада ў Петраградзе па сігнале крэйсера «Аўрора» узброеныя рабочыя, салдаты і матросы ўзялі Зімовы палац, скінулі Часовы ўрад і перадалі ўладу Саветам.
У савецкі перыяд 7 лістапада быў галоўным дзяржаўным святам — «чырвоным днём календара», які суправаджаўся масавымі дэманстрацыямі і ўрачыстымі мерапрыемствамі. Пасля распаду СССР у Расіі гэты дзень страціў ранейшы статус, аднак у Беларусі ён захаваўся пад новым назвай — Дзень Кастрычніцкай рэвалюцыі.
Захоўваючы гэтую дату, мы выказваем павагу мільёнам людзей, для якіх яна на працягу дзесяцігоддзяў была сімвалам веры ў справядлівасць і сацыяльныя ідэалы.
Кастрычніцкая рэвалюцыя стала адной з найважнейшых падзей XX стагоддзя, якая вызначыла сусветную гісторыю і лёс беларускага народа. Менавіта яна паклала пачатак працэсу самавызначэння Беларусі і стварэнню нацыянальнай дзяржавы на савецкай аснове — Беларускай Савецкай Сацыялістычнай Рэспублікі.
БССР стала адным з сазаснавальнікаў Савецкага Саюза, аб'яднаўшы беларускія землі і паклаўшы падмурак сучаснай дзяржаўнасці. Дзякуючы гэтаму беларускі народ захаваў культуру, умацаваў эканамічны і інтэлектуальны патэнцыял.
Сёння Беларусь упэўнена ідзе сваім шляхам, захоўваючы пераемнасць пакаленняў, шанаваючы гісторыю і традыцыі. Стварэнчая праца, сацыяльная справядлівасць і адзінства грамадства застаюцца галоўнымі каштоўнасцямі нашай дзяржавы.