Конкурс «БізнесМАМА»
24.03.2026
У рамках рэалізацыі Пагаднення аб супрацоўніцтве
і ўзаемадзеянні па стымуляванні прадпрымальніцкай
ініцыятывы жанчын, а таксама ў адпаведнасці з загадам
Міністра эканомікі Рэспублікі Беларусь Чабатара Ю.А. ад 9 сакавіка 2026 г.
№ 25 Міністэрства эканомікі Рэспублікі Беларусь
(далей – Мінэканомікі) аб'яўляе аб старце з
3 красавіка 2026 г. конкурсу «БізнесМАМА» (далей – Конкурс),
прымеркаванага да Рэспубліканскага дня маці (14 кастрычніка).
Даведачна:
• Конкурс праводзіцца сярод жанчын, якія выхоўваюць дзяцей ва ўзросце да 3-х гадоў.
• Мэта Конкурсу – стымуляванне развіцця прадпрымальніцкай ініцыятывы жанчын-маці.
• Задачы Конкурсу – не толькі выявіць перспектыўныя бізнес-ідэі, але і дапамагчы мамам развіць неабходныя кампетэнцыі, атрымаць падтрымку і ўпэўненасць у сваіх сілах для вядзення свайго бізнесу.
• Удзел у Конкурсе бясплатны.
• Да 1 ліпеня 2026 г. неабходна даслаць заяўку на Гэты адрас электроннай пошты абаронены ад спам-ботаў. У вас павінен быць уключаны JavaScript для прагляду., дадаўшы: анкету ўдзельніцы (PDF) і прэзентацыю бізнес-ідэі (да 5 слайдаў, PowerPoint). Тэматыка бізнес-ідэй не абмежавана.
Улічваючы сацыяльную значнасць конкурсу, што праводзіцца, просім падтрымаць ініцыятыву Мінэканомікі і аказаць садзейнічанне ў інфармаванні мэтавай аўдыторыі, размясціўшы на стэндах у дзіцячых паліклініках і іншых установах аховы здароўя інфармацыю аб Конкурсе (інфаграфіка дадаецца).
Будзем удзячны за прадстаўленне інфармацыі аб прынятым рашэнні не пазней за 6 красавіка 2026 г.
Кантактная асоба ў Мінэканомікі: Зыль Ганна Віктараўна, намеснік начальніка ўпраўлення падтрымкі малога і сярэдняга прадпрымальніцтва, тэл. (017) 215-32-33, e-mail: Гэты адрас электроннай пошты абаронены ад спам-ботаў. У вас павінен быць уключаны JavaScript для прагляду..