Навучанне насельніцтва паводзінам пры аварыі з выкідам радыёактыўных рэчываў
Пры атрыманні сігналу трывогі з паведамленнем аб выкідзе радыеактыўных рэчываў неабходна абараніць органы дыхання сродкамі індывідуальнай абароны: надзець процівагазы, рэспіратары, вата-марлевыя павязкі або выкарыстаць падручныя сродкі - хусткі, шалікі, іншыя тканкавыя вырабы.
На адкрытай мясцовасці не раздзенвайцеся, не садзіцеся на зямлю і не курыце, выключыце купанне ў адкрытых вадаёмах і збор лясных ягад, грыбоў.
Ваду ўжывайце толькі з правераных крыніц, а прадукты харчавання – набытыя ў крамах.
Зрабіце запасы вады, прадукты харчавання прыбярыце ў халадзільнік або ў герметычную тару.
Калі вы знаходзіцеся ў памяшканні:
- займіце месца далей ад вокнаў;
- закрыйце ўсе форткі;
- выхадзіце з памяшкання толькі ў выпадку неабходнасці і на кароткі час, выкарыстоўваючы пры гэтым рэспіратар, плашч, гумовыя боты і пальчаткі;
- старанна мыйце перад ядзеннем рукі і палошчыце рот 0,5%-м растворам пітной соды;
- перад уваходам у памяшканне памыйце абутак, вытрасіце і пачысціце вільготнай шчоткай верхняе адзенне;
- у памяшканні штодзённа праводзьце старанную вільготную ўборку з выкарыстаннем мыйных сродкаў.
Падрыхтавацца да арганізаванай эвакуацыі.
Перад эвакуацыяй адключыце ўсе электрапрыборы, зрабіце запас вады і прадуктаў. Вазьміце дакументы, каштоўныя рэчы, запасныя і цёплыя рэчы.
Пасля выхаду з памяшкання на заражаную тэрыторыю неабходна выконваць наступныя правілы:
- не здымаць на адкрытай мясцовасці сродкі індывідуальнай абароны;
- пазбягаць падняцця пылу пры перамяшчэнні;
- без патрэбы не садзіцца і не дакранацца да пабочных прадметаў;
- не піць, не прымаць ежу, не курыць;
- перыядычна абціраць адкрытыя ўчасткі цела анучкай або насавой хусткай.
Прыбыўшы ў раён размяшчэння, эвакуяваным неабходна зарэгістравацца.
Прайсці поўную санітарную апрацоўку.
Прамыць вочы чыстай вадой, прапаласкаць рот і горла.
Тэрмінова правесці ёдную прафілактыку. Прэпарат ёду неабходна прымаць адзін раз на працягу 7 наступных сутак.